Escape Rooma giza gorputzaren funtzionamenduarekin erlazionatuta egongo zela adostu zen. Hasierako ideia zen ikasleek gorputzeko aparatu desberdinei buruzko kontzeptuak barneratzea eta horiekin joko desberdinak antolatzea. Amaieran Escape room fisiko batean lehiaketa modura ikasleek ikasitakoa praktikan jarri nahi zen.

Erronka horri heldu aurretik Scratch erabiliz programazioaren oinarriak ikasteko tutorial bat egin zuten ikasleek: petaloetatik abiatuta lorategi bat sortzea zen helburua. Hemen ikus ditzakezue prestatu genuen bideotutoriala eta azken emaitza (sakatu bandera ikusteko).

Tutorialaren iturburu-kodea: https://scratch.mit.edu/projects/402000716/editor/

Baina Covid-19 egoerak guztia hankaz gora jarri zuen eta azkenean modu birtualean egin behar izan da lanketa eta Escape Room-a bera. Hori bai, talde-lanaren filosofia ahal zen neurrian mantendu nahi izan da, lanketa birtualean ere.

Ikasitakoa aplikatuz aktualitatearekin lotutako bideo-joko bat programatu zuten ikasleek: logela bat koronabirusaz garbitzea. Behean probatu dezakezue, sakatu bandera jolasteko. Ondoren, Escape Room-erako giza gorputzeko aparatuekin lotutako erronka bana programatu zuten.