Urratsak

• 1

  Paper zuria jarriko diogu kartoiari gainetik kola zuriarekin itsatsita bertan teklak pintatu ahal izateko.

• 2

  Pianoaren marrazkia kartoi gainean marraztu. Errotulagailu beltza eta erregela erabiliz piano baten teklak marraztuko ditugu. Horretarako, egiazko piano baten irudia edukitzea ongi egon daiteke.

• 3

  Tekla guztiak marraztuta daudenean, tekla zurien erdian zulo bat eginen dugu bertatik kablea pasatu ahal izateko.

• 4
  

  Kablea zulotik pasatu eta grapagailuarekin eutsi.
• 5
  

  Grapa jarri zaion aldean kola zuria erabiliz zilarrezko paper lauki bat itsatsi.

• 6
  

  Pianoaren tekla zurietako kableen beste aldeko muturrak Makey Makey-aren  atzeko aldeko WASDFG konexioetan sartuko ditugu.

• 7
  

  Orain tekla beltzekin jarriko gara. Tekla beltzak aluminiozko zintaren bidez eginen ditugu.

• 8
  

  Tekla beltzek kaxaren barrualderaino iritsi behar dute. Neurtu ondoren aluminiozko zinta dagokion neurrian moztuko dugu.

• 9
  

  Aluminio zinta hiru zatitan mozteko markatuko dugu.

• 10
  

  Aluminio zinta egindako marketatik moztu guraizeekin.

• 11
  

  Aluminio zinta zatien atzeko aldeko papera askatu eta dagokien tokian itsatsiko ditugu. Kaxaren azpiko alderaino pasa behar da zinta (ikusi hurrengo pausoa).

• 12
  

  Tira bakoitza Makey Makey-ko pintza batekin lotu behar da. Horretarako kartoizko zati batekin helduleku moduko bat egingo dugu.
  
  Pintzaren beste aldea Makey Makey-en tekla batera joango da. Kasu honetan, gurutzera, klik-era eta hutsunera konektatuko ditugu.

• 13
  

  Bukatzeko, lurrarekin kontaktua egiteko eskumuturreko bat egin dugu zilarrezko paperarekin. Ondoren, Makey Makey-ko lurraren konexiotik eta eskumuturrekoa pintza kable baten bidez lotuko dugu.

• 14

  Pianoa probatzeko garaia heldu da! Ireki https://apika-steam.eus/pianoa/ webgunea nabigatzaile batean eta probatu!

• 15

  ERRONKA

  Ireki Scratch nabigatzaile batean: https://scratch.mit.edu/projects/editor/ Gai izango al zinateke pianoaren tekla desberdinak sakatzean dagozkion soinuak erreproduzitzeko?

  OHARRA: Scratch-en pianoaren soinuak badaude. Joan Soinuak fitxara eta sakatu "Aukeratu soinu bat", bertan aurkituko dituzu. Nahi izanez gero Scratch-eko beste edozein soinu ere erabil dezakezue edo zuek grabatutako soinuak.

  Scratch-ek ekartzen dituen pianoaren soinuek musika notazio anglosaxoia erabiltzen dute, hauek dira baliokidetasunak:

  A -> LA

  B -> SI

  C -> DO

  D -> RE

  E -> MI

  F -> FA

  G -> SOL