Urratsak

• 1
  

  Kartoi zati bat hartu eta lau behatz marraztuko ditugu. Gure kasuan 2 cm-ko zabalera dute behatzek eta behatzaren zati bakoitzak hiruna cm.

• 2
  

  Guraizeak edo kuter bat erabiliz kartoizko behatzen mugak moztuko ditugu.

• 3
  

  Behatzak errazago mugitu ahal izateko tarteetan kartoi zati txiki bat (mm bat edo) moztuko dugu.

• 4
  

  Behatzen zatiak tolestuko ditugu horretarako marraztu ditugun marketatik.

• 5
  

  Behatz lodia marraztuko dugu kartoizko zati batean.

• 6
  

  Kartoian marraztu dugun behatz lodia moztuko dugu. Aurrerago itsatsiko dugu.

• 7
  

  Behatzen artikulazioak egiteko kartoizko lastotxoaren zati pare bat moztuko dugu.

• 8
  

  Lastotxo zatiak artikulazioetan finkatuko ditugu zelo edo itsasgarria erabiliz.

• 9
  

  Jostorratza eta haria erabiliz puntada batzuk emango ditugu kartoizko behatzaren muturrean haria finkatzeko. Behatza tolesteko haritik tirako baitugu.

  Ondoren, haria lastotxo zatietatik pasa.

• 10
  

  Kartoizko behatzaren puntan emandako puntadak zelorekin estaliko ditugu, finkoago geratu dadin.

• 11
  

  Serbo-motorrark hainbat osagai ekartzen ditu. Zulotxoak dituen besoa jarriko diogu.

• 12
  

  Haria serbo-motorraren besoko kanpoaldeko zulotxotik pasa. Probak egin eta behatza tolestu ahal izateko neurri egoki batean korapiloak egin.

• 13
  

  Serbo-motorra eta bere kableak kartoizko besoaren gainean finkatu zelo edo eta itsasgarria erabiliz.

• 14

  Serbo-motorra Arduino plakara konektatuko dugu:

  • Kable laranja -> Arduinoaren 9 pinera.
  • Kable gorria -> Arduinoaren 5V pinera.
  • Kable marroia -> Arduinoaren GND pinera.

  Ondoren, behatza tolesteko egin beharreko biraketarekin probak egingo ditugu "ezarri serbomotorra" blokea erabiliz.

  Arduino eta Snap erabiliz serbomotorra nola kontrolatu azaltzen duen unitatean aurkituko dituzue xehetasun gehiago:

  https://apika-steam.eus/unitateak/arduino-eta-snap-bidezko-programazioa/serbomotorra-martxan-jarri