Apika

Lorearen petaloa marraztu

Petalo batetik abiatu eta programazio bidez lorategi bat marraztuko dugu. Programatzen hasi aurretik, abiapuntua marraztu behar dugu: petaloa.

Urratsak

  • 1

    Snap! erabiliz programatzen hasteko ez dago ezer instalatu beharrik. Nahikoa da https://snap.berkeley.edu/snap webgunera joatea.

  • 2

    Pertsonaiak eta eszenak atalean geziaren pertsonaia kenduko dugu. Horretarako bere gainean eskuin klik egin eta “ezabatu” aukera hautatuko dugu.

  • 3

    Ondoren, Pertsonaiak eta eszenak ataleko pintzelean klik egingo dugu. Editore grafikoa agertuko zaigu.

  • 4

    Pintzelaren kolorea eta lodiera hautatu.

  • 5

    Petalo bat margotu pintzela erabiliz.

  • 6

    Bete tresna erabiliz nahi den kolorearekin bete.

  • 7

    Ondoren, zirkulua eta gurutzea dituen botoia sakatu eta petaloaren biraketa zentroa mutur finean jarriko dugu.

  • 8

    Amaitzean “Ados” botoia sakatu.

  • 9

    “Mozorroak” fitxara joango gara. Marraztu dugun petaloa bertan dagoela ikusiko dugu. Objektuari izena aldatuko diogu eta “Petaloa” jarri.

  • 10

    Ondoren, mozorroari izena aldatuko diogu. Horretarako bere gainean eskuin klik egin eta “aldatu izena” erabiliko dugu. “petaloa1” deituko diogu.

  • 11

    Beste aldaketaren bat egin edo berriz marraztu nahi badugu, “editatu” botoia erabil dezakegu. Adibidez, tamaina egokitzeko editoreko “handitu” eta “txikiagotu” botoiak erabili ditzakegu.

Licencia Creative Commons

IAMETZAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

IAMETZA INTERAKTIBOA

ZIRKUITU IBILBIDEA 2 - 1. PABILOIA
LASARTE-ORIA (GIPUZKOA)
T (+34) 943 376 716