Apika

RGB LEDaren koloreak txandakatu begizta bat erabiliz

Azalpena:

Ariketa honetan osagai elektriko berri bat erabiliko dugu: RGB LEDa.

RGB LEDa: 
RGBk Red, Green, Blue adierazten du, hau da, Gorria, Berdea, Urdina. Kolore horiek eta beren konbinazioak eman ditzake LED honek.  

4 hanka ditu:

•    Katodoa: besteak baino luzeagoa da, negatiboa denez lurrera konektatu behar da.

•    Gainerako hiruak: irudian ikusten den bezala bakoitza kolore bati dagokio. Adibidez, R (red, gorria) jartzen duen hankari elektrizitatea ematen badiogu LEDak argi gorria egingo du.

Oharra: guk erabiliko dugun RGB LEDaren hanka luzea katodoa bada ere beste RGB LED batzuetan hanka luzea anodoa izaten da, kasu horretan 5Veko pinera konektatu behar da.


pdfErronkak | 0 bytes

Urratsak

  • 1

    RGB LEDa prototipo plakan jarri. Hanka luzeena gainerako hankak baino zutabe bat aurrerago konektatuko dugu, horretarako hanka pixka bat okertu beharko dugu

  • 2

    RGB LEDa prototipo plakan jarri. Hanka luzeena gainerako hankak baino zutabe bat aurrerago konektatuko dugu, horretarako hanka pixka bat okertu beharko dugu

  • 3

    Erresistentziak 9, 10 eta 11 pinekin konektatu ar-ar kableak erabiliz. Gogoratu kablea erresistentziak libre daukan hankaren errenkada berean jarri behar dela.

     

  • 4

    RGBaren katodoa, hanka luzea alegia, GND pinarekin konektatuko dugu ar-ar kable bat erabiliz.

     

  • 5

    Snap4Arduinon programa hau osatu behar dugu. Semaforoaren erronkakoaren oso antzekoa da:

    Lehenengo 3 koloretako argiak itzaltzen ditugu badaezpada ere, aurretik piztuta baleude ere.

    Ondoren, beti begizta batean argiak txandaka piztu eta itzaltzen ditugu: gorria, berdea, urdina.

     

Materiala

  • Arduino plaka bat
  • 4 hankako RGB LED bat
  • Prototipo plaka bat
  • 4 kable ar-ar
  • 220 Ohm-eko 3 erresistentzia
  • Snap4Arduino

Licencia Creative Commons

IAMETZAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

IAMETZA INTERAKTIBOA

ZIRKUITU IBILBIDEA 2 - 1. PABILOIA
LASARTE-ORIA (GIPUZKOA)
T (+34) 943 376 716